Актыўны ўдзел прынялі ў кірмашы сельгасвытворцы Жыткавіцкага раёна

Актыўны ўдзел прынялі сельгасвытворцы раёна ў сёлетніх восеньскіх кірмашах. Аб гэтым яскрава сведчыць і атрыманая вяскоўцамі выручка.
Толькі ў Жыткавічах вяскоўцы рэалізавалі гараджанам сваёй прадукцыі на 233840700 рублёў. Думаецца, што гэты паказчык стане яшчэ важэйшым, бо ў суботу пройдзе ў райцэнтры яшчэ адна прадажа сельгаспрадукцыі. Найбольшыя грашовыя паступленні на свае рахункі ад кірмашоў атрымалі ААТ “Рыбгас “Чырвоная Зорка” і “Людзяневічы”.
Плённа гандлявалі прадстаўнікі аграрнай галіны раёна і на кірмашах у Гомелі і Мінску. Там яны прадалі сваёй прадукцыі на 719550000 рублёў. Шырокім асартыментам тавараў гамяльчан і мінчан радавалі прадстаўнікі акцыянерных таварыстваў “Тураўшчына” і “Рыбгас “Чырвоная Зорка”.