Затраты на ЖКГ: 30 працэнтаў да канца года

Беларусь да канца 2011 года павінна выйсці на 30-працэнтны ўзровень кампенсацыі насельніцтвам затрат на аказанне жыллёва-камунальных паслуг. Для дасягнення гэтага паказчыка на працягу года запланавана павелічэнне адпаведных тарыфаў на паслугі ЖКГ у два этапы. Гэта прадугледжана ў плане дзеянняў урада Беларусі па забеспячэнню збалансаванага развіцця эканомікі ва ўмовах змянення афіцыйнага курсу беларускага рубля. План быў зацверджаны пастановай Савета Міністраў нумар 662 ад 25 мая 2011 года. Цяпер гэта пастанова і план размешчаны на афіцыйным сайце беларускага ўрада.

Раздзелам плана, які змяшчае меры па ўстараненню цэнавых дыспрапорцый у рэальным сектары эканомікі ў сувязі з ростам цэн на імпартуемыя энерганосьбіты, сыравіну і матэрыялы, прадугледжана індэксацыя тарыфаў на электрычную і цеплавую энергію для юрыдычных асоб і ІП.

На працягу года таксама будзе ажыццяўляцца аптымізацыя рознічных цэн на нафтапрадукты, якія рэалізуюцца на ўнутраным рынку, у мэтах устаранення дыспарытэту цэн з сумежнымі дзяржавамі.

Акрамя таго, у бягучым годзе адбудзецца ўдакладненне тарыфаў на паслугі гарадскога транспарту, прыгарадных аўтаперавозак, перавозак пасажыраў чыгуначным транспартам, паслугі сувязі.