Новыя металаканструкцыі

Выпуск вертыкальнай касетнай устаноўкі для вытворчасці сценавых панеляў асвоены адкрытым акцыянерным таварыствам “Сатурн-1”.

Раней на прадпрыемстве вырабляліся толькі камплектуючыя для такіх установак. Цяпер жа мясцовыя спецыялісты цалкам асвоілі ўнікальную для Беларусі вытворчасць панеляў, што выкарыстоўваюцца ў домабудаванні.

На нядаўніх тэндэрных таргах у Гомелі іх канкурэнтамі былі толькі італьянцы. Зараз сваю прадукцыю жыткавіцкія металаканструктары будуць рэалізоўваць у адкрытае акцыянернае таварыства “Гомельжалезабетон”.