РАЗГЛЕДЖАНЫ НАДЗЁННЫЯ ПЫТАННІ

У сваёй рабоце мясцовы Савет стараецца ісці ў нагу з часам, а то нават і на крок уперадзе, каб своечасова здымаць вастрыню тых ці іншых праблем, быць надзейным памочнікам і мудрым дарадцам людзей. А неадкладныя задачы ставіць перад ім само жыццё.

Вось чаму на парадак дня апошняга пасяджэння выканкама адным з пытанняў было “Аб гатоўнасці арганізацый і ўстаноў сельсавета да работы ў асенне-зімовы перыяд”. Другое асноўнае пытанне датычылася ўдасканалення работы са зваротамі грамадзян па прынцыпу “адно акно”.