«Мой родны горад гонар і любоў»

Бадай, што так: ніколі яшчэ жыхары Жыткавічаў не ведалі такога свята, якое б гэтак кранала душу і сэрца, было б настолькі цікавым, насычаным на падзеі, масавым і запамінальным. Зразумела, што яшчэ не адзін тыдзень пройдзе, і ў многіх жыткавіцкіх сем’ях толькі і размоў будзе, як пра 510-годдзе роднага горада і раённае свята “Дажынкі-2010”!

Вярнуўшыся ў панядзелак на працу, мы, журналісты раёнкі, вырашылі: пайсці ўслед за святочнымі падзеямі, што ладзіліся ў мінулую суботу, і нагадаць чытачам пра самыя яркія моманты святкавання. І адвесці дзеля гэтага большую частку гэтага выпуска газеты.