Вучыцца прыгожаму

Амаль на шэсцьдзесят навучэнцаў пабольшаў калектыў Жыткавіцкай школы мастацтваў імя Уладзіміра Будніка пасля правядзення першага тура ўступных экзаменаў. Дзякуючы папаўненню цяпер у школе колькасць вучняў дасягнула 325 чалавек.

У канцы жніўня — напачатку верасня ў школе мастацтваў пройдзе яшчэ адзін прыём рабят, якія маюць жаданне вучыцца прыгожаму. Увогуле, для калектыва школы мастацтваў чарговы навучальны год закончыўся даволі нядрэнна: усе навучэнцы паспяхова здалі перавадныя і выпускныя экзамены. Сарака чатыром юным музыкантам уручаны атэстаты аб заканчэнні ўстановы, пяць з іх атрымалі гэты дакумент з адзнакай. Радуе выкладчыкаў школы і такі факт, што пяць іх выпускнікоў вырашылі паступаць у сярэднія і вышэйшыя музычныя навучальныя ўстановы. Прычым колькасць такіх выпускнікоў з кожным годам павялічваецца.

С. МІКАЛАЕЎ.