Усе пытанні ўзяты пад кантроль

У адзін з аддаленых сельсаветаў раёна – Мілевіцкі – напрыканцы мінулага тыдня наведаўся адзін з так званых агітцягнікоў ідэалагічнага аддзела райвыканкама.

Перад мясцовымі жыхарамі ў сельскім Доме культуры выступіў намеснік старшыні Жыткавіцкага райвыканкама Валерый Рагалевіч, які затым даў адказы на шматлікія пытанні прысутных. Да размовы з людзьмі падключыліся таксама старшыня Мілевіцкага сельсавета Міхаіл Прышчык, упраўляючы аддзяленнем “Ленінскае” КСУП “Людзяневічы” Валерый Прыбаровіч.

Жыхароў сельскага Савета цікавілі пытанні барацьбы з п’янствам, працаўладкавання, выдзялення пашы і арганічных угнаенняў, аказання медыцынскіх паслуг і інш. На адны пытанні былі дадзены адказы адразу, другія занатаваны для іх далейшага паспяховага вырашэння. Перад прысутнымі выступіў таксама намеснік начальніка падатковай інспекцыі Аляксандр Палтаран. А завяршыў сустрэчу змястоўны канцэрт, з якім перад землякамі выступілі мясцовыя самадзейныя артысты.

С. КУЛАКЕВІЧ.